مرحبًا بكم في موقعكم لتعلم اللغة الالمانية واخر المواضيع التي تخص المانيا

اوسبيلدونغ تعويضات سنية في المانيا Ausbildung zum Zahntechniker/in

رح تبدا بالحديث عن النوع الأول التعويضات السنية هالاختصاص بيطلب براعة خاصة باستخدام الأيدي وخلال هالاوسبيلدونغ بيتعلم الشخص انتاج الأسنان الصناعية وكمان بيتعلم تثبيت أطقم الأسنان البديلة ومطابقتها لفك المريض وتنظيفها بالإضافة لجزء مهم بيتعلق بأجهزة تقويم الأسنان المعدنية انتاجها وتقويمها.
بيحتاج الشخص يلي بدو يعمل هالاوسبيلدونغ تعلم اللغة الطبية باختصاص طب الاسنان منشان يعرف المصطلحات ويقدر كمان يقرأ الطلبيات يلي بتيجي من عيادات الأسنان, بيحتاج الشخص يلي بيشتغل بهالمجال متل ماحكينا سابقاً صبر ودقة بالعمل وقدرة على التعامل مع الأدوات الدقيقة وكمان بيحتاج معرفة بالرياضيات والفيزياء, وكمان لازم يتمتع بميزة القدرة على التواصل والتفاهم مع الآخرين كونوا رح يقعد كل اليوم بوجه زملاؤوا لوقت طويل.
وبيشتغل خلال العمل باستخدام أدوات خاصة, متل نظارات الوقاية والرداء الطبي الأبيض.
ممكن نلخص صفات الشخص يلي بناسبوا هالاختصاص: يلي ماعندوا كتير رغبة باختصاصات فيها استخدام رئيسي للكمبيوتر, الشخص يلي عندو صبر وقدرة على التحمل وبيعمل بهدوء ويلي مابدور على انو يكون غني بشكل كبير كون هالمجال مادياً لا يعتبر من المجالات الربحية الكبيرة اذا اشتغلت بمعمل أسنان, والشخص يلي عندو حساسية أو مرض جلدي ممكن هالشي يأثر على صحتو.
هون بتلاقي الشواغر وكل المعلومات يلي تحب تعرفها
1-Ausbildungsjahr: 430 Euro
2-Ausbildungsjahr: 480 Euro
3-Ausbildungsjahr: 530 Euro
4-Ausbildungsjahr: 580 Euro
1470 bis 1700 Euro (Brutto) الراتب عند أو التعيين
Zahnmedizinischer Fachangestellter
مساعد طبيب الأسنان:
هو الشخص يلي كلنا منشوفوا لما منكون بعيادة الأسنان, لجانب الطب عملوا بمجالات مختلفة بالعيادة السنية ابتداءاً من تنظيم المواعيد لطبيب الأسنان وتحضير كلشي بالعيادة من معدات وغيرو وكمان تنظيف الأسنان للمراجعين يلي منسميه التنظيف البروفيشنال, مساعدة الطبيب خلال العمل وعمل صور رونتجن للأسنان ضمن العيادة, ومساعدة الطبيب بتسجيل تقييم الأسنان, وممكن يشتغل شوي بمخبر العيادة طبعاً مو متل التعويضات السنية شغلات بسيطة ضمن العيادة نفسها, والحسابات والطلبات بالعيادة للمواد يلي بيحتاجوها وتنظيم أمور العيادة بالتعامل مع التأمينات الصحية.
وهي دخل الشخص الوسطي خلال سنوات الاوسبيلدونغ وبعدين بعد التخرج مباشرة قبل مايكون عندو خبرة:
1-Ausbildungsjahr: 740 Euro
2-Ausbildungsjahr: 780 Euro
3-Ausbildungsjahr: 830 Euro
1700 bis 2150 Euro (Brutto) الراتب عند بداية العمل
بالتوفيق للجميع وان شاء الله في منشورات قادمة عن أفضل اختصاصات الأوسبيلدونغ وكمان الاختصاصات الدراسية وان شاء الله المعلومات موثوقة وجامعينا من أفضل المواقع الألمانية ومن خلال خبرة معارفنا وأصدقائنا الالمان يلي بزودونا بكل نقص بالمعلومات
المصدر , بوابة الدراسة في المانيا

شارك المعرفة

Share on facebook
Facebook
Share on whatsapp
WhatsApp
Share on telegram
Telegram

تعلم اللغة الالمانية

موقع متخصص بمواضيع اللغة الالمانية والحياة في المانيا

نحن نعمل على الكتابة في اهم المواضيع التي تخص الحياة في المانيا او بشكل عام في اوروبا وايضآ كتابة تدوينات ودروس عن مواضيع تخص اللغة الالمانية.

Deutsch ar

أخبار وأحداث التكنولوجيا
إعلان

مجموعتنا لتعلم اللغة الالمانية

التصنيفات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مواضيع قد تهمك ايضآ :

error: المحتوى محمي !!