[lwptoc]

اهلآ وسهلآ بكم في مقال اليوم سنتعرف على كيفية الدراسة بألمانيا بالنسبة للاشخاص الذين يسكنون خارج المانيا او في الوطن العربي ويرغبون بالقدوم الى المانيا للدراسة.

للحصول على فيزا دراسية بتحتاج المتطلبات التالية:

1- شهادات الطالب مصدقة ومترجمة للغة الألمانية

2- قبول دراسي من إحدى الجامعات الألمانية سواء كبكلوريوس أو ماستر

3- قبول لغة وبكون القبول إما من الجامعة نفسها أو من معهد خاص مع موعد محدد لبدء دورة اللغة

4- إثبات بإجادة اللغة الألمانية للمستوى B1 وهالشرط للطالب يلي بدو يدرس لاحقاً بالألماني وهالمستوى مابيعني إنو الطالب قادر يبدا دراسة وإنما شرط لقبول الفيزا ولذلك بدو قبول دورة لغة مثل ماكتبنا بالشرط السابق.

5- الإثبات المالي وهو عبارة كشف حساب بنكي مغلق بألمانيا بقيمة 10236 يورو وهالمبلغ هو مصروف الطالب لمدة سنة بيقدر الطالب يسحب شهرياً 735 يورو كحد أقصى.

6- في حالات ثانية ممكن الشخص يجيب اقرار بكفالة أحد الوالدين الو مع كشف حساب بنكي للوالدين مع رصيد بالبنك بغطي نفس الرقم المطلوب سابقاً وكمان أوراق من المؤسسة يلي بيشتغل فيها مع اثبات الراتب ولازم الراتب يكون كافي لكفالة الطالب أما إذا الأب بيمتلك سجل تجاري أو شركة خاصة فمطلوب منو يجيب كشف بالضرايب وبدخل الشركة ليثبت قدرتوا على كفالة الابن.

7- أو كفالة من شخص مقيم بألمانيا بيتعهد بتحمل نفقات الطالب خلال فترة دراستو وبهالأوراق بصير الكفيل مطالب بكل التكاليف ولازم يكون دخلوا كافي لهالكفالة.

8 – بالإضافة لأوراق وطلبات موجودة على موقع السفارة وصور شخصية وجواز سفر صالح والرسوم المطلوبة وكل الأوراق لازم بالألماني أو الانجليزي ومصدقة.

بتم حجز موعد بالسفارة الألمانية وبيعملوا مقابلة لمقدم الطلب ولازم يكون مستكمل كامل الأوراق وبعدها بينتظر من أسابيع لأشهر ليتم إرسال نتيجة الطلب وبعدها بيحصل على الفيزا وبحالة الرفض بيقدر الشخص يرجع يحجز مرة جديدة ويحاول من جديد.

بالنسبة للمنح الآلية بالمجمل نفسها لكن الفرق عدم الحاجة لكفالة مالية وشروط القبول بتكون محققة تلقائياً

بالتوفيق للجميع
#بوابة_الدراسة_في_ألمانيا

شكرآ بوابة الدراسة في ألمانيا على المعلومات!